In principio era il Verbo

Siccome che tutti me domanda, eòra ve conto.
Mi chiamo.. no in italiano me fasso da ridare, parlo come ca son bona, va, ca ze mejo.
Me ciàmo Kety Bianchin, so nata a Bassan e fasso 'a cassiera al Prics.
Queo in Via Pellico Silvio, 5.
Me trovo anche benon, dai: el ze un buon lavoro... a parte a cassa vissin ai freschi che tocca tenere el pail anche in agosto, ma aeora là fazemo a turno co 'a Giannetta, e 'a Rosy.

Gièra l'istà del novantasie, setembre, quindi non se pol gnanca dire che gavevo dizsette anni parchè i fasso a novembre, no?
Insomma, Pièro, Checco, a Chiara e mi decidemo de andare a vedere i Afterhours al Pedro, a Padova, me ricordo che guidava Piero, el cameriere della Rosina.
Sicome che 'a matina dopo Piero gavaria vudo un esame el sarìa restà a Padova a dormire, quindi al ritorno doveva guidare Checco, sempre se nol fumava massa.
Rivèmo al Pedro e spetando lezemo i giornaeti dei bancheti del Centro Sociae suea vivisessiòn e sue stragi nel mondo, così che Checco tacca fumare subito, diciamo!
Dopo un fiatìn, tutti scuminsia a far casin, eora se spostemo pì sotto al palco, finchè viene fora el cantante: o vardo, po vardo 'a Chiara me amiga, po 'o rivardo: el gera faaaaatto che no ghe zera santi né Madonne, e anca tutti i so musicisti...!!
Specie, me ricordo uno col cocòn in testa che el sonava a chitara co 'a lingua fora e i oci sarà.
Piero me sbèca "Ou' varda Morgana che fatto ch'el ze!" e mi eora scuminsio a ciamàrlo Morgana!
Mi, personalmente, no i gavevo mai sentii.
Gavevo mi na cassetta che me gaveva fatto un me amigo, e 'a gavevo scoltà... Quindi par farla breve, del concerto no me ricordo gran che, bravi davero, ma sarìa più tipa da Biagio Antonacci par capirse, no? Biagio... o sennò me piaze tanto anca Carboni, o Grignani...
Però me ricordo che gèro come ipnotizà dai oci del cantante, no? E siccome ca non so mia bruta, e 'e robe e capisso... succede che eo me vardava, eora mi o vardavo... e eo me vardava e el faseva i sesti co 'a chitara, eora mi ghe ridevo, e vanti cussi fin che dopo el concerto a Chiara ga vossùo spetar par l'autografo.
E spetta e spetta, tanto che mi me gero anca un fià desaturà de spettar, no?.. prima riva i altri, tipo el batterista che gèra tutttto pien de cicatrici in faccia, ma el rideva contento, anca gentie.
Po' aea fine vien fora el cantante, sto Manuel Agnelli, e insomma el fa a foto co 'a Chiara e dopo el se ponta suea ringhiera e vardandome zo dritto fin nee mutandine, par capirse, el me dize na frase che me ga pietrificà parchè el me ga ditto, ma proprio diretto, “Ma tu sorridi come scopi?”
Mi so rimasta un po' interdetta, però siccome che l'intento me pareva chiaro ghe go ditto “No, tanto meglio!”
E siccome che su questa faccenda se ghemo intesi subito, i tozi me ga assà là e pazienza.

Devo dire, par correttezza, che el me ga domanda quanti ani ca gavevo e mi ghe go ditto ventiun, e po' 'e robe va cussi, no?
No sto a entrare nei dettagli parchè ze sta proprio emosionànte, mi pensavo 'a na botta e via, invèsse l'è sta proprio un signore e el me gà anca ricompagnà casa, ma anca parchè dopo, quando che no me rivava pì 'e me robe, a faccenda se ga fatta relativa.
Quando che ghe 'o go ditto aea Chiara a me gà sbarà tanto de oci, eora ghe mi ghe go ditto queste paroe che me ricordarò par sempre parchè el me bocia, desso, ze a roba pì importante ca go, e anca 'a roba mejo ca go fatto finora.
Ghe go ditto: “Abortire no saria mia bona, i mie me darà na man...: se zè o ciamo Manuel, come so papà!”